අභිමානවත් දේශයක් ගොඩනැගීමේ අනාගත හිමිකරුවා දරුවාය. දරුවන්ට ඒ නිසාම ඔවුන්ගේ හැකියා , ලැදියා , දක්ෂතා මත ඉදිරියට යාමේ මංපෙත් විවර කිරීම ගුරු දෙගුරු වගකීම වනු ඇත. මේ බව මැනෙවින් තහවුරුකරමින් දැයේ දූ පුතුන් වෙනුවන්ම වෙන් වූ වර්ණවත් දිනයක් ලෙසින් ලෝක ළමා දිනය අර්ථවත් කිරීමට නවගත්තේගම ඉසුරු විදුහලේ විදුහල්පතිතුමා ප්‍රමුඛ ගුරු මංඩලය සමත් විය.

එහි විශේෂාංග අතර ළමා අයිතිවාසිකම් පිළිබඳ ප්‍රජාව දැනුවත් කිරීම සඳහා සාමකාමී පා ගමනක් සංවිධානය කර තිබුණි.

දරුවන්ගේ විනෝදාස්වාදය ගොඩනැගීමට චිත්‍රපට දර්ශනයක් සංවිධානය කර තිබුණු අතර සිසුන්ට ප්‍රනීත දිවා ආහාර වේලකින් සංග්‍රහ කරමින් ලෝක ළමා දිනය තව තවත් අර්ථවත් කරමින් නිමා විය.

ගෙවීගිය සාහිත්‍ය මාසය නිමා කරමින් නවගත්තේගම ඉසුරු විද්‍යාලයේ සිංහල සාහිත්‍ය සංගමයේ මෙහෙයවීමෙන් පසුගිය 30 වන දා ඉතා වටිනා සහිත්‍ය උත්සවයක් සංවිධානය විය.

මෙහි තේමාව වුයේ ගී කියමු රස විදිමු යන්න මේ සදහා ශ්‍රී ලංකා ගුවන්විදුලි සංස්ථාවේ රජරට සේවයේ මාධ්‍ය අනුග්‍රහය  ලබාදුන් අතර ප්‍රවීන දේශක පිරිසකගේ දායකත්වය හිමිවිය.

ඒ නිසාම වටිනා හෝරා කිහිපයක් ගතකිරීමට අපට හැකි විය.

නවගත්තේගම ප්‍රාදේශිය ලේකම් කොට්ඨාශයට අග්‍රගන්‍ය පාසලක් ගොඩනැගීම අරමුණු කර ගනිමින් ගොඩනැගෙමින් පවතින නවගත්තේගම ඉසුරු විද්‍යාලයේ සංවර්ධන කටයුතු රැසක් මේවනවිට ඇරඹී ඇත.

මීට සමගාමීව දෙමාපියන්ගේ වගකීම විය යුත්තේ කෙසේද? යන්න පිලිබඳ පසුගිය 21 වන දා පැවති පාසල් සංවර්ධන සමිතියේ දී විදුහල්පති සමරතුංග මහතා විසින් දෙමාපියන් දැනුවත් කිරීම සිදුකල අතර ඉසුරු විද්‍යාල සම්බන්ධ වීඩියෝ පටයක් ප්‍රදර්ශනය කර දෙමාපිය උද්යෝගය තවදුරටත් වර්ධනය කිරීමට ඉවහල් විය.

මෙම දැනුවත් කිරීම සඳහා දෙමාපියන් 300 කට අධික සංඛ්‍යාවක් සහභාගි වී සිටිය අතර විද්‍යාලයේ සියලුම ගුරුමහත්ම මහත්මීන් සහභාගී විය.

සමස්ත ලංකා පාසල් නාට්‍ය තරඟය 2009 ජයග්‍රාහකයන්ට සම්මාන සහ සහතිකපත් ප්‍රධානෝත්සවය මරදාන එල්ෆින්ස්ටන් රඟහලේ දී පැවැත්විණ. එහි දී නුර්ති ජවනිකා අංශයේ හොඳම රංගනය (බාලිකා) උදෙසා ශ්‍රී වික්‍රම නුර්ති ජවනිකාවේ කුමාරිහාමිගේ චරිතය රඟපෑ නවගත්තේගම ඉසුරු පාසලේ දීපානි කරුණාරත්න ශිෂ්‍යාවත් , එම නාට්‍යයේම ප්‍රධාන නළුවා ලෙස රඟපෑ මධුසංක හෙට්ටිආරච්චි ශිෂ්‍යයා කුසලතාපිරි රංගන සහතිකය හා සම්මනය හිමිකර ගැනීමට සමත්විය. එමෙන්ම එම ජයග්‍රහණය අත්කරදීමේ ගෞරවය විද්‍යාලීය නාට්‍ය හා රංගකලා ආචාර්ය්‍ය උපුල් සේමසිංහ මහතා ඇතුළු ඇදුරු මඩුල්ලට නාට්‍ය අධ්‍යක්ෂණය හා පුහුණු කිරීම වෙනුවෙන් හිමිවිය යුතුය.